Netflix estrea este 26 de abril unha miniserie de seis episodios, coproducida por Bambú Producciones, baseada no caso máis mediático e calafriante da cidade de Santiago: o crime de Asunta Basterra, a menor de 12 anos asasinada en Teo polos seus proxenitores.
A serie ten como protagonistas a Tristán Ulloa, no papel de Alfonso Basterra, o pai da menor, e a Candela Peña, no papel de Rosario Porto, a nai. Conta ademais con outros importantes actores de reparto galegos e españois como Javier Gutiérrez, María León, Carlos Blanco, Alicia Borrachero ou Raúl Arévalo. Está dirixida por Ramón Campos, coñecido por series como Fariña, Las chicas del cable ou Velvet, un noiés atraído polo caso tras vivir durante catro anos na capital galega.
Esta producción, que pode verse na plataforma dende hoxe, relata en forma de ficción, a historia do caso Asunta, dende que Basterra e Porto denuncian a desaparición da súa filla, o 21 de setembro de 2013, ata o momento en que son xulgados.
A serie foi rodada en exteriores e interiores da cidade de Santiago entre os meses de xullo e outubro de 2023, momentos no que a cidade puido revivir algúns dos incómodos recordos que a veciñanza gardaba no recordo dende hai xa unha década.
