InicioSANTIAGOAMESAmes propón melloras na liña de autobús municipal para atender as demandas...

Ames propón melloras na liña de autobús municipal para atender as demandas da veciñanza

O Concello solicita cambios no percorrido e máis vixilancia no cumprimento de horarios e frecuencias

Publicado o

Xornal de Compostela

O Concello de Ames reuniuse esta mañá coa Dirección Xeral de Mobilidade da Xunta de Galicia e coa empresa concesionaria Monbus para analizar o funcionamento da liña de autobús de interese municipal (SIMU) e estudar modificacións que melloren o servizo. A xuntanza, celebrada a raíz do número crecente de queixas veciñais, contou coa presenza do alcalde Blas García, o concelleiro de Mobilidade Víctor Fernández, a directora xeral de Mobilidade Judit Fontela e o presidente de Monbus Raúl López.

Durante o encontro, o Concello de Ames trasladou as principais demandas recollidas entre os usuarios e usuarias do servizo, implantado no ano 2022 para conectar as parroquias de Ortoño, Bugallido e Biduído con Santiago de Compostela, tras a desaparición da liña urbana P2, anteriormente xestionada polo Concello compostelán.

PETICIÓNS CONCRETAS DE MELLORA

Entre as propostas postas sobre a mesa pola administración local, destaca a reorganización das frecuencias da SIMU para evitar solapamentos coa liña de Extramundi, así como o establecemento de novas paradas no Hospital Clínico e no Campus Sur da USC, co obxectivo de responder á alta demanda de estudantes e persoas con citas médicas.

Ademais, o Concello solicitou a inclusión no percorrido das zonas de Fraíz e A Moniña, pertencentes á parroquia de Biduído, que quedaron sen cobertura de transporte público tras a supresión da antiga liña P2. Segundo explicou o alcalde, “é fundamental a ampliación desta liña para que tamén preste servizo á veciñanza de Fraíz e A Moniña”.

Outra das peticións trasladadas foi a necesidade de reforzar o control sobre o cumprimento dos horarios e do percorrido, un dos principais motivos de queixa da cidadanía usuaria, segundo indicou o Concello.

COLABORACIÓN INSTITUCIONAL

O convenio que deu lugar ao servizo SIMU foi asinado no mes de xuño de 2022 entre o Concello de Ames e a Xunta de Galicia, coa intención de mellorar a mobilidade interurbana e dar resposta ás necesidades de transporte nas parroquias do rural. A iniciativa contou nese momento co apoio unánime da Corporación municipal, ao ser aprobado en pleno no mes de abril dese ano.

O percorrido da liña municipal mantense entre Bertamiráns e a estación intermodal de Santiago, con paso por diversos puntos de Ortoño, Bugallido e Costoia, pero a experiencia dos últimos meses puxo de manifesto a necesidade de axustes e melloras na planificación.

Blas García expresou a súa confianza en que esta reunión marque “un punto de inflexión para resolver as deficiencias do servizo” e recalcou que “a confianza da veciñanza só se recupera cun servizo que cumpra horarios, que teña paradas útiles e que funcione de forma regular”.

ÚLTIMAS

Cae parte do falso teito das galerías de Fernando III O Santo, que albergan múltiples centros deportivos

Parte do falso teito das galerías de Fernando III O Santo, coñecidas por albergar...

O Concello iniciará o luns as obras de mellora da accesibilidade no cruzamento de Xeneral Pardiñas e República del Salvador

O Concello de Santiago levará a cabo unha serie de melloras no cruzamento entre...

Fianza de medio millón de euros e acusación de fraude: El Correo Gallego baixo investigación por un sistema de evasión de fondos

A investigación levada a cabo polo Xulgado de Instrución número 1 de Santiago de Compostela revelou indicios...

O Concello de Ames acollerá unidades móbiles para a expedición do DNI e Pasaporte

Nos vindeiros días 2, 3 e 4 de xuño, o Concello de Ames recibirá...

O Concello de Ames acollerá unidades móbiles para a expedición do DNI e Pasaporte

Nos vindeiros días 2, 3 e 4 de xuño, o Concello de Ames recibirá...

A Xunta licita a mellora da cuberta do CEIP de Barouta para mellorar a súa eficiencia enerxética

A Consellería de Educación, Ciencia, Universidades e FP anunciou a licitación da obra para...

Ames promove un novo encontro literario con Carlos Moreno Lugrís

O Concello de Ames, a través do servizo de Bibliotecas Municipais, acollerá este mércores...

LEAVE A REPLY

Please enter your comment!
Please enter your name here