A alcaldesa de Santiago de Compostela, Goretti Sanmartín, acusou á Xunta de, con “bastante frecuencia”, avisar “sen apenas tempo” dos actos institucionais organizados polo Goberno galego. A preguntas dos xornalistas nun acto, a rexedora afirmou que “dá a impresion” de que a Xunta “non quere que vaian” representantes municipais aos seus distintos eventos, xa que sostén que lles son comunicados sen marxe.
Con todo, Goretti recalcou que, no que respecta á relación entre ambas as entidades, “non hai ningún tipo de problema” e que, á inauguración da senda ciclista que tivo lugar o sábado, nin alcaldesa nin concelleiras puideron acudir por motivos de axenda, xa que foron avisados pola Xunta o venres ao mediodía. Doutra banda, tras ser preguntada sobre a situación de delincuencia no barrio de Santa Marta e a zona do Ensanche, a alcaldesa comunicou que a Policía Nacional está a realizar un “esforzo importarche”, pero que necesita tempo para actuar.
