InicioSANTIAGOO Concello manterá a protección do uso comercial nas plantas baixas en...

O Concello manterá a protección do uso comercial nas plantas baixas en varias zonas de Santiago

O Goberno local levará ao Pleno unha proposta para preservar a diversidade de usos fronte á nova Lei de medidas da Xunta

Publicado o

Xornal de Compostela

O Concello de Santiago acordará en Pleno manter a regulación urbanística vixente en varias zonas da cidade para protexer o uso comercial das plantas baixas, unha medida que busca garantir a diversidade de usos nos barrios e preservar o comercio de proximidade, segundo avanzou o concelleiro de Urbanismo, Iago Lestegás.

A proposta afecta ás áreas reguladas polas ordenanzas 1, 2, 3, 4, 7 e 9A do PXOM, así como ao Plan Especial da Cidade Histórica (PE-1). Nestas zonas non se aplicará o novo artigo 76 da Lei 5/2024 de medidas fiscais e administrativas da Xunta, que permite transformar locais comerciais en vivendas sen ter en conta a normativa municipal. Fóra destes ámbitos, como nos plans parciais urbanizados nas décadas de 1990 e 2000, si se aplicará a nova regulación autonómica.

O concelleiro explicou que o comercio de proximidade é clave para a calidade de vida e que o Concello debe asegurar espazos para novos proxectos comerciais: “Non tería sentido desbotar unha regulación baseada en análises urbanísticas moi recentes”, apuntou Lestegás.

En referencia á situación residencial, o edil lembrou que en Galicia existen moitas vivendas desaproveitadas e que, por tanto, “non é necesario sacrificar locais comerciais para ampliar a oferta residencial”. Ademais, defendeu que o urbanismo municipal debe ordenar os usos da cidade con criterio, fronte á desregulación que, segundo el, “pode levar ao caos: vivendas utilizadas como hoteis, locais comerciais como vivendas e polígonos industriais como zonas comerciais”.

Desde o Goberno local insisten en que a regulación municipal permite un equilibrio entre vivenda, comercio e outros usos, e que a existencia de moitos locais comerciais baleiros susceptibles de transformación en vivendas, fóra das zonas protexidas, ofrece marxe para aplicar a nova normativa autonómica sen afectar o tecido comercial consolidado.

A aprobación desta proposta no Pleno basearase nunha disposición prevista no propio artigo 76 da nova lei, que permite aos concellos declarar zonas nas que se manteñan as súas normas urbanísticas actuais. Con esta decisión, Santiago busca blindar o seu modelo urbano fronte ás directrices autonómicas que, segundo o Concello, priorizan unha flexibilización excesiva dos usos do solo sen atender ás necesidades específicas de cada barrio.

ÚLTIMAS

Os incendios tamén se notan no Camiño de Santiago: cinza, fume e dificultades para respirar

Fume, cinzas que caen do ceo, tramos cortados e preocupación pola volta a casa...

Detido un menor acusado de causar varios incendios en Compostela

Un menor foi detido en Santiago de Compostela acusado de provocar varios incendios na...

O Milladoiro acolle este xoves a segunda andaina do programa ‘Camiñando no solpor’

O Concello de Ames, a través da súa Concellaría de Deportes e Promoción da...

A alcaldesa pide á Xunta reforzar a prevención ante os incendios

A alcaldesa de Santiago, Goretti Sanmartín, apelou hoxe á importancia de poñer o foco...

Os incendios tamén se notan no Camiño de Santiago: cinza, fume e dificultades para respirar

Fume, cinzas que caen do ceo, tramos cortados e preocupación pola volta a casa...

A alcaldesa pide á Xunta reforzar a prevención ante os incendios

A alcaldesa de Santiago, Goretti Sanmartín, apelou hoxe á importancia de poñer o foco...

A USC, por baixo das 500 mellores universidades do mundo

Só 10 universidades españolas sitúanse entre as 500 mellores do mundo, segundo o Ranking Académico...

LEAVE A REPLY

Please enter your comment!
Please enter your name here