InicioCULTURA(AXENDA) Miriam Rodríguez, entroidos rurais e máis plans para esta fin de...

(AXENDA) Miriam Rodríguez, entroidos rurais e máis plans para esta fin de semana

Dende o contacontos infantil na Biblioteca Ánxel Casal ata o fútbol en San Lázaro, Santiago ofrece unha variada axenda de ocio para o 8 e 9 de marzo

Publicado o

Por Míriam Ferraces Fernández
  • Festas e eventos

Entroidos rurais de Compostela: O sábado 8 de marzo, de 17:00 a 18:30 horas, terá lugar o desfile dos Entroidos Rurais de Compostela coa participación da GBMT Brincadeira. O percorrido incluirá a rúa do Home Santo, rúa da Cruz de San Pedro, praza do 8 de marzo, praza de Salvador Parga, praza de Santo Agostiño, praza de Cervantes, praza da Quintana, praza das Praterías e praza do Toural. O evento é de acceso libre e para todos os públicos.

 

 

Cartaz do Entroido 2025 de Santiago de Compostela – Concello.
  • Música

Miriam Rodríguez en concerto – ‘Línea Roja Tour’: O sábado 8 de marzo, ás 20:30 horas, a cantante Miriam Rodríguez actuará no Auditorio de Galicia dentro da súa xira ‘Línea Roja Tour’. No concerto, presentará en directo as cancións do seu novo disco, ademais doutros temas destacados da súa traxectoria musical. As entradas están dispoñibles na plataforma Ataquilla.com, cun prezo de entre 25 e 35 euros. O evento é apto para todos os públicos.

 

A cantante Míriam Rodríguez – Ticketmaster
  • Teatro e espectáculos

A burra, a mesa e o pau: O sábado 8 de marzo, ás 18:00 horas, o Salón Teatro acollerá a representación da obra ‘A burra, a mesa e o pau’, unha produción do Centro Dramático Galego dirixida por Lorena Conde. A peza teatral aborda a precariedade e a esperanza en solucións máxicas a través da historia dunha familia obreira galega. A obra, recomendada para maiores de 12 anos, ten unha duración de 100 minutos e inclúe servizos de accesibilidade, como interpretación en lingua de signos e audiodescrición. As entradas están dispoñibles a un prezo de 6 euros.

 

Teatro ‘A burra, a mesa e o pau’ – CompostelaCultura.
  • Infantil

A boneca de trapo: O sábado 8 de marzo, ás 12:00 horas, a Biblioteca Pública de Santiago Ánxel Casal acollerá o contacontos ‘A boneca de trapo’, a cargo de Aida Cobas. A actividade relata a historia de Mara e a súa avoa Lola, que a través dunha boneca de trapo descobren a vida de mulleres que cambiaron a historia, influíndo na visión de Mara e no futuro da súa boneca. O evento desenvolverase no salón de actos, está dirixido a nenas e nenos de 3 a 8 anos e a entrada é libre ata completar a capacidade da sala.

 

Aida Cobas, contacontos de ‘A boneca e o trapo’ – Cultura.gal
  • Deporte

Partido SD Compostela vs Oviedo: O domingo 9 de marzo, ás 17:00 horas, a SD Compostela enfrontarase ao Real Oviedo no Estadio Verónica Boquete de San Lázaro, nun encontro correspondente á competición de liga. O partido chega nun momento crucial para ambos equipos, cunha SD Compostela que busca sumar puntos importantes en casa. As entradas poden adquirirse na billeteira do estadio o mesmo día do partido ou a través da web oficial do club, con prezos variables segundo a zona do estadio. O evento é apto para todos os públicos.

Estado Multiusos Fontes do Sar – SD Compostela.

 

ÚLTIMAS

Alberto Cabada asume o decanato de Matemáticas da USC con ilusión e confianza no futuro

O profesor Alberto Cabada Fernández tomou posesión este venres como novo decano da Facultade...

Cáritas de Santiago atende a máis de 46.000 persoas en 2024, un 8% máis que o ano anterior

Cáritas Diocesana de Santiago destacou que atendeu a 46.512 persoas en 2024, un incremento...

Detidas 16 persoas pola estafa do “falso sicario” a usuarios de páxinas de citas

A Policía Nacional detivo 16 persoas no marco da 'Operación Bachata', entre elas dúas...

GIG-Saúde denuncia “sobrecarga de traballo e saturación dos servizos” na área sanitaria

A CIG-Saúde de Santiago denunciou que a falta de medidas por parte da Xerencia...

Germán Prieto lanza o seu novo disco ‘Destino’: unha viaxe musical entre a emoción e a técnica

O recoñecido guitarrista e compositor Germán Prieto presenta o seu esperado novo álbum 'Destino'...

O Festival Atlántica reivindica a memoria de Castelao e a forza colectiva da palabra

O Festival Internacional Atlántica continúa este martes 1 de xullo en Santiago de Compostela...

The Rapants inauguran o ciclo ‘Atardecer no Gaiás’ con once concertos ata agosto

O ciclo de concertos Atardecer no Gaiás regresa este xoves á praza central da...

LEAVE A REPLY

Please enter your comment!
Please enter your name here