Un home faleceu tras verse implicado nunha colisión entre dúas motos este domingo no Ensanche de Santiago de Compostela.

O accidente tivo lugar ao redor das 23.15 horas do domingo, no cruzamento entre as rúas de Alfredo Brañas e República do Salvador. Foi un particular quen comunicou ao 112 o ocorrido, sinalando que os motoristas que chocaran estaban feridos.

Mobilizouse á Policía Local e ao 061, que trasladou a un deles ao CHUS. A pesar de todo, non se puido facer nada pola súa vida. Tamén se notificou o ocorrido aos Bombeiros e a Protección Civil.