Un espectacular accidente de tráfico tivo lugar este mércores ás 19:00 horas no centro de Bertamiráns, no municipio de Ames. Segundo testemuñas presenciais, un Ford de cor verde pistacho que circulaba desde Santiago perdeu o control por causas aínda descoñecidas. Tras impactar contra outro vehículo e dar varias voltas de campán, acabou envorcando e chocando contra unha farola.
De acordo coa información recollida por Diario Compostela, o condutor do vehículo accidentado tivo que ser reanimado polos servizos de emerxencias. Ademais, outra persoa implicada, unha muller, sufriu un importante golpe na cabeza, segundo declarou un veciño que presenciou o suceso.
Ata o lugar do sinistro desprazáronse axentes da Policía Local e efectivos dos Bombeiros, que continúan traballando na zona mentres o vehículo segue volcado no lugar do impacto.
