O pasado sábado acercámonos á Capitol para ir ao estreo do novo álbum da Banda da Loba. ‘Lovismo’ recolle según din as propias artistas todas aquelas formas de amor, ás amigas, á familia, á terra e a nos mesmas/os. Ao longo do concerto foron tocando as novas pezas pero deixaron tamén espazo para aquelas cancións que formaron parte do seu camiño. Ademais tiveron como invitados/as a Tomé Mouriño, De Vacas, Adrián Real, Lara Porto, Diego Suárez e Cristóbal Fernández.
Unha vez rematado o concerto tivemos a oportunidade de facer unha pequena entrevista con Iria de Cabo (Guitarra) e Estela Rodríguez (Violín), con elas conversamos sobre o significado do álbum e tamén nos contaron que foi o primeiro concerto de Iria na Banda. Tamén profundizamos en como é a composición detrás das súas cancións, abríndose a novos ritmos pero mantendo o seu son tan propio. Ambas músicas non quixeron abrirse a contarnos futuras colaboracións, pero si que mencionaron algúns dos seus estilos e artistas máis escoitados, se queredes saber máis podedes ver o vídeo.
O proxecto Lovismo contou coa colaboración da Xunta de Galicia a través da Axencia Galega das Industrias Culturais.
