As bibliotecas da Universidade de Santiago de Compostela (USC) ampliarán os seus horarios a partir do venres, 6 de decembro, para ofrecer apoio ao estudantado durante o período de exames. Con máis de 3.400 prazas dispoñibles en diferentes localizacións dos campus de Santiago e Lugo, as instalacións adaptan os seus horarios para facilitar o estudo en ambientes idóneos.
- Biblioteca Concepción Arenal (Campus Vida): Con 952 prazas, seguirá o mesmo horario que a Biblioteca Intercentros de Lugo, salvo do 2 ao 5 de xaneiro, cando abrirá de 9:00 a 00:00 horas.
- Facultade de Ciencias Económicas e Empresariais (Campus Norte): Disporá de 358 prazas ampliables e abrirá do 9 ao 20 de decembro e do 6 ao 24 de xaneiro de 8:30 a 22:00 horas.
- Biblioteca Xeral (Casco Histórico): Ofrecerá 214 prazas cun horario de 9:00 a 20:30 horas entre o 21 e o 30 de decembro e do 2 ao 5 de xaneiro. Pechará os días 24, 25 e 31 de decembro, así como o 1 de xaneiro.
- Facultade de Bioloxía (Campus Vida): Con 289 prazas, estará dispoñible en horario de 8:30 a 22:00 horas do 14 ao 20 de decembro e do 7 ao 19 de xaneiro. Os días 2 e 3 de xaneiro abrirá de 9:00 a 22:00 horas.
- Sala de lectura da Facultade de Dereito (Campus Vida): A sala, con 700 prazas ampliables, abrirá de 8:30 a 22:00 horas do 9 ao 13 de decembro. Entre o 14 e o 20 de decembro e do 20 ao 24 de xaneiro, ampliará o horario ata a medianoite. Ademais, ofrecerá horario continuado as 24 horas do 6 ao 19 de xaneiro, con peche dunha hora diaria para limpeza.
