InicioSANTIAGOCondenado a dous anos de cadea un fisioterapeuta por abuso sexual en...

Condenado a dous anos de cadea un fisioterapeuta por abuso sexual en Santiago

O procesado retirou a man cando a paciente lle recriminou a súa actitude e pediulle que parase

Publicado o

Xornal de Compostela

A Audiencia da Coruña condenou a dous anos de cárcere a un fisioterapeuta por abusar sexualmente dunha paciente nunha clínica de Santiago, onde someteu á vítima a tocamentos sen consentimento e sen ningunha finalidade terapéutica.

A sentenza da sección sexta da Audiencia Provincial da Coruña, con sede na capital galega, dá por bo o testemuño da vítima, que sufriu consecuencias psicolóxicas polos feitos ocorridos en outubro de 2020 e que deberá ser indemnizada con 10.000 euros.

Nun fallo contra o que cabe recurso de apelación, o tribunal considera probado que o condenado abusou sexualmente da paciente na clínica á que esta acudira para ser tratada por unhas dores de costas.

Así, conclúe que “sen consentimento da paciente e sen finalidade terapéutica”, o fisioterapeuta introduciu o seu outra man “dentro da braga da muller e tocoulle na zona púbica e na vulva, rozando cos dedos os beizos vaginales”.

O procesado retirou a man cando a paciente lle recriminou a súa actitude e pediulle que parase. Nese momento, o home pediu desculpas por porse “ un pouco tontorrón” e engadiu que a agredida tiña “un cuerpazo”.

Como consecuencia destes feitos, a vítima sufriu problemas para conciliar o soño, pesadelos, pensamentos intrusivos e recorrentes, inseguridade persoal, desconfianza cara a terceiros e sentimento vulnerabilidade.

A día de hoxe aínda sofre estes síntomas “aínda que a súa intensidade atenuouse co paso do tempo”, segundo recolle o fallo xudicial no que, ademais da pena de cárcere, a indemnización e un período de liberdade vigilidad de tres anos, tamén se impón unha orde de afastamento do agresor á vítima polo próximos cinco anos.

Os maxistrados inciden na sentenza que o testemuño da agredida reúne os requisitos para destruír a presunción de inocencia do acusado, pois carece de “motivos espurios” que a motiven e existe unha “rotunda persistencia na incriminación” dado que mantivo a mesma descrición do ocorrido durante todas as súas declaracións.

Os xuíces tamén recalcan que a declaración “conta coas corroboracións periféricas que é posible atopar en casos desta natureza, cando non hai vestixios físicos”, así como a importancia do informe e a declaración das psicólogas que examinaron o dano padecido pola denunciante.

ÚLTIMAS

A recollida de aceite usado en Santiago evita a contaminación de máis de 4 millóns de litros de auga

A veciñanza de Santiago de Compostela recolleu un total de 4.040 quilos de aceite...

O Concello anuncia cortes de tráfico e cambios no bus urbano por obras de mantemento viario

O Concello de Santiago informou dunha nova quenda de obras de mantemento viario que...

Pecha o prazo do concurso internacional para a nova iluminación da contorna da Catedral con 26 propostas recibidas

O Concello de Santiago confirmou que o pasado martes 19 de agosto concluíu a...

O Concello de Ames localiza un vertedoiro ilegal de lixo nos Batáns e identifica ao responsable

O Concello de Ames detectou esta semana un vertedoiro ilegal de lixo nunha pista...

O Concello anuncia cortes de tráfico e cambios no bus urbano por obras de mantemento viario

O Concello de Santiago informou dunha nova quenda de obras de mantemento viario que...

O CiQUS crea microgotas sintéticas que replican funcións básicas das células vivas

O Centro Singular de Investigación en Química Biolóxica e Materiais Moleculares da Universidade de...

UCIN Santiago pide que o novo contrato do transporte urbano garanta a accesibilidade das persoas cegas

UCIN Santiago reclamou ao Concello que o novo contrato do servizo de transporte urbano...

LEAVE A REPLY

Please enter your comment!
Please enter your name here