O xoves Xornal de Compostela achegouse á igrexa da Universidade de Santiago para asistir ao concerto de DeNinghures, unha banda galega creada por oito mozos e mozas que buscan a través do seu proxecto musical revivir a atmosfera das foliadas. Polo tanto podemos definir o seu estilo como tradicional, invitándonos a compartir e desfrutar a nosa cultura e a nosa lingua.
No concerto non só nos tocaron os seus maiores éxitos, se non que tamén houbo espazo para sorpresas coa aparición de Ortiga, co que tocaron a versión en galego de ‘A Santiago voy’ de Los Tamara e a maiores unha das súas últimas cancións ‘A nosa verbena’. O ambiente onírico da igrexa cautivou a todas as persoas que asistiron, conseguindo numerosas ruadas de xente bailando ao ritmo dos seus temas, sendo algúns dos máis coñecidos ‘Morena’, ‘Alento’ ou o seu último lanzamento ‘Poço’.
Unha vez rematado tivemos a oportunidade de falar con dous dos seus integrantes, Hadrián García e Manuel Lucas, este último desvelounos algunha primicia sobre o futuro lanzamento do seu novo single: este vindeiro xoves 21 de novembro. Ademais ensináronnos os seus puntos favoritos para sacar de foliada e falamos de outros artistas aos que lles gustaría ver tocar na igrexa destacando a Grande Amore e a Rodrigo Cuevas. Estas e máis preguntas, así como os seus puntos favoritos poderédelos ver no vídeo publicado nas nosas redes.
Ver esta publicación en Instagram
