A sala de exposicións da Casa da Cultura de Brión acolleu onte a presentación de Poder non é querer, a primeira novela de Noela Rivas Cantelar, nova autora local que dá os seus primeiros pasos na narrativa coa editorial Galaxia. O evento, organizado pola Biblioteca Municipal de Brión no marco dos encontros literarios mensuais, contou coa asistencia de numerosos veciños e veciñas que arrouparon á escritora no seu debut.
Poder non é querer narra a historia de Mariña, unha moza de 17 anos que, tras unha noite de festa polo Samaín, espertará nun hospital sen recordo algún do que aconteceu. A medida que recibe visitas de amigos e familiares, Mariña irá descubrindo pezas da súa propia historia recente, marcada por experiencias difíciles e por unha espiral auto destrutiva. Esta trama profunda e conmovedora reflicte os desafíos da mocidade e o proceso de reconstruírse a un mesmo.
Noela, que xa contaba con recoñecementos no ámbito literario, gañou en 2016 o concurso autonómico Coca-Cola “Novos Talentos de Relato Curto” co texto Bágoas de madrugada, e tamén foi finalista na categoría en castelán, co relato Susurro de nostalgia.
