A policía detivo a unha segunda persoa involucrada na morte violenta do dono da carnicería Chelo & Muñico na madrugada deste martes na praza de abastos de Santiago. Os axentes contan con dar co terceiro involucrado, xa identificado, nas próximas horas.
Segundo informan fontes próximas á investigación a Europa Press, os feitos ocorreron cando o placeiro se atopaba entrando no recito, foi entón cando se produciu unha “pelexa” na que a vítima recibiu un golpe na cabeza, aínda que a autopsia deberá determinar se polo impacto dun obxecto ou ao caer ao chan. Non hai constancia de que levasen diñeiro do lugar.
O 061 recibiu alerta ás 4,43 horas por agresión a este home de 60 anos. Ata o lugar desprazáronse dúas ambulancias e persoal sanitario da PAC de Santiago. De tal forma, Antonio Costa faleceu no lugar.
A praza foi acordoada durante unhas horas ata o levantamento do corpo e reabriu preto das 8,45 horas.
Ata o lugar trasladouse a alcaldesa de Santiago, Goretti Sanmartín, quen lamentou este falecemento “despois dun altercado”. Remarca que a investigación está baixo segredo de sumario, baixo dirección da Policía Nacional, e esperarase á autopsia para esclarecer os feitos. Así, mandou un “fortísimo abrazo e todas as condolencias” aos familiares das vítimas. Tamén acudiu á praza o concelleiro de Mobilidade, Xan Duro..
Ata o lugar trasladouse a alcaldesa de Santiago, Goretti Sanmartín, quen lamentou este falecemento “despois dun altercado”. Remarca que a investigación está baixo segredo de sumario, baixo dirección da Policía Nacional, e esperarase á autopsia para esclarecer os feitos. Así, mandou un “fortísimo abrazo e todas as condolencias” aos familiares das vítimas. Tamén acudiu á praza o concelleiro de Mobilidade, Xan Duro.
ALCALDESA DE SANTIAGO: “O TEMA ESTÁ ENCAMIÑADO”
Praceiros de Santiago e a corporación municipal asistiron este martes a un minuto de silencio tras a morte violenta de Antonio Costa, de Chelo & Muñico. Preguntada sobre a investigación en declaracións posteriores, a alcaldesa compostelá, Goretti Sanmartín, asegurou que “o tema está encamiñado”.
Tras o acto, Sanmartín mostrou o seu apoio tanto á familia como aos traballadores do mercado e lamentou o falecemento de “unha persoa moi querida en Santiago de Compostela despois dun altercado”.
Neste sentido, a rexedora explicou que está en contacto coa Policía Nacional e coa Delegación do Goberno e incidiu en que o tema “está encamiñado” e que nas próximas horas “vai haber detencións”.
“Esperamos que rapidamente podamos saber e aclarar que foi o que ocorreu”, asegurou. Ademais, a rexedora aseverou que debido a que a investigación se atopa baixo segredo de sumario, o goberno local non vai pronunciarse, senón que “corresponde aos organismos e forzas de seguridade a nivel nacional facer esa comunicación”.
Segundo informaron fontes próximas á investigación a Europa Press, os feitos ocorreron cando o placeiro se atopaba entrando no recinto. Foi entón cando se produciu unha “pelexa” na que a vítima recibiu un golpe na cabeza, aínda que a autopsia deberá determinar se polo impacto dun obxecto ou ao caer ao chan.
