O Consello de Ministros aprobou este martes o nomeamento da compostelá Alejandra del Río Novo como nova embaixadora de España en Islandia. Del Río Novo, nada en Santiago de Compostela en 1973, xa fora designada en xullo de 2023 como embaixadora en Noruega, ampliando agora a súa carreira diplomática ao país veciño.
Licenciada en Dereito e pertencente á carreira diplomática dende 1999, Alejandra do Río conta cunha ampla experiencia internacional. Entre os cargos máis destacados que desempeñou, figuran o de conselleira na Representación Permanente de España ante Nacións Unidas, cónsul en Bos Aires e segunda xefa nas embaixadas en Israel e Qatar. Ademais, en España, traballou como directora de Gabinete en distintos ministerios, incluíndo o de Asuntos Exteriores, e foi directora xeral de Cooperación Autonómica e Local no Ministerio de Política Territorial.
Este nomeamento afianza a traxectoria internacional da compostelá, que seguirá representando a España no contexto europeo, agora desde Islandia.
