Este martes, o salón de plenos da Casa do Concello de Ames acolleu unha xuntanza de coordinación para preparar a resposta ante as posibles incidencias provocadas pola borrasca Kirk, que pasará preto de Galicia nas vindeiras horas. No encontro participaron o alcalde, Blas García, o concelleiro de Obras e Servizos Básicos, Gustavo Nieto, o concelleiro de Persoal, Víctor Fernández, así como membros da Policía Local, Protección Civil, a Brigada de Obras, Augas de Ames e Urbaser.
A borrasca, que chegará con ventos moi fortes e precipitacións intensas, alcanzará a súa máxima aproximación a Galicia na madrugada do mércores, arredor das 9:00 da mañá. Recoméndase á poboación tomar precaucións, xa que as condicións meteorolóxicas adversas poderían estenderse ata a media tarde do mércores.
Durante este período, a Policía Local será o centro de coordinación para todos os avisos, e encargará de mobilizar os distintos departamentos municipais. Para comunicar calquera incidencia, os cidadáns poden chamar ao teléfono 619 76 75 75 da Policía Local ou ao 112.
