O Xulgado de Violecia Sobre a Muller de Santiago está a investigar a un médico de familia de Santiago denunciado por unha suposta agresión sexual a unha paciente.
Segundo recolle a denuncia, avanzada por elDiario.es, os feitos alegados pola muller sucederon en distintas ocasións entre 2019 e 2021, e consistiron en comentarios inapropiados e tocamentos, sempre segundo a versión da denunciante.
Desde a área sanitaria de Santiago expresaron a Europa Press o “máximo respecto polo procedemento xudicial en curso”, e garantiron o “interese por colaborar” do Sergas. A este respecto, confirmaron que as autoridades xudiciais requiriron “unha información puntual que xa foi facilitada“, pero aseguran “descoñecer os feitos causantes” que motivan a investigación, polo que, engaden, “non se realizarán valoracións”.
