Segundo informou o 112 Galicia, o suceso produciuse minutos despois das 16.00 horas deste sábado e foi un particular o que alertou do incendio na cociña dun bar situado na praza de Cervantes.

Un traballador dun local de restauración de Santiago tivo que ser trasladado tras un incendio na cociña, que obrigou a desaloxar, de maneira preventiva, o edificio de á beira do establecemento. Segundo informou o 112 Galicia, o suceso produciuse minutos despois das 16.00 horas deste sábado e foi un particular o que alertou do incendio na cociña dun bar situado na praza de Cervantes. Ata o punto desprazáronse os bombeiros municipais que extinguiron o lume e encargáronse de realizar tarefas de ventilación do local. Os profesionais de Urxencias Sanitarias de Galicia-061 trasladaron a un traballador que sufriu queimaduras con aceite. No operativo tamén participou a Policía Nacional e Local.