Unha persoa faleceu este xoves tras chocar o vehículo no que viaxaba cun camión no municipio coruñés de Ames. O falecido era o único ocupante do vehículo. Segundo informou o 112, o servizo recibiu o aviso ao redor das 20.15 horas. Tal e como indicaban os alertantes, un coche e un camión chocaran no quilómetro 2 da AC-544, co condutor do turismo sen poder saír tras o impacto.

O 112 deu aviso ao Servizo de Urxencias Sanitarias de Galicia-061, aos Bombeiros de Boiro, ao GES de Brión, á Garda Civil de Tráfico e á Agrupación de Voluntarios de Protección Civil de Ames. Tras a chegada dos servizos de emerxencias, estes confirmaron que o condutor de coche perdera a vida, sen que nada se puidese facer por evitalo.

Ademais, os membros do GES de Brión indicaron que sería necesario o uso do material de excarceración para liberar ao falecido.