A ONG poderán pedir desde este xoves as axudas do concello de Santiago destinadas a desenvolver proxectos en países empobrecidos. O prazo de presentación finalizará o 3 de outubro.
O Boletín Oficial da Provincia (BOP) publicou este mércores a convocatoria, en réxime de concorrencia competitiva. Así a concellaría de Dereitos e Servizos Sociais destina a esta convocatoria un orzamento de 400.000 euros, e cada entidade beneficiaria poderá recibir un máximo de 40.000 euros.
A convocatoria ten como obxectivo contribuír á consecución dos obxectivos de desenvolvemento sustentable aprobado polas Nacións Unidas en 2015 e mostrar o compromiso do Concello coa defensa dos dereitos humanos en todo o mundo.
Poden benefiicarse destas axudas as ONGDs que desenvolvan proycectos de cooperación ao desenvolvemento en países empobrecidos, que acrediten un mínimo de dous anos de experiencia no ámbito territorial de actuación para o que solicitan a axuda, e que conten con contrapartes ou sociso locais para a execución dos proxectos que presenten á convocatoria.
AXUDAS REHABILITACIÓN DE EDIFICIOS
Por outra banda, o BOP tamén publicou dúas convocatorias de axudas para a rehabilitación de edificios. Ambas as liñas suman unha contía total de 4.269.600 euros: 2.186.400 euros para a rehabilitación da vivenda construída no século XX nos barrios de Pontepedriña, Vite e Vista Alegre e 2.083.200 euros para actuacións nos edificios da cidade histórica.
Desta forma, as persoas e entidades solicitantes das axudas contarán cun prazo de tres meses a partir deste xoves.
