HomeSOCIEDADEA campaña 'Compostela Diversa' vestirá Santiago coas cores LGTBI ata xuño

A campaña ‘Compostela Diversa’ vestirá Santiago coas cores LGTBI ata xuño

Arrinca o 27 de maio con actividades lúdidas e de reflexión

Publicado o

Por Xornal de Compostela

Case 200 establecementos comerciais, hoteleiros e hostaleiros de Santiago participan na campaña de difusión e visualización da realidade LGTBI no marco da iniciativa municipal ‘Compostela Diversa’, que arrinca o 27 de maio con actividades lúdidas e de reflexión.

Segundo explicou a alcaldesa de Santiago, Goretti Sanmartín, en rolda de prensa este xoves, varios puntos da cidade contarán con iluminación e decoración especiais ata o 30 de xuño. O programa inclúe xornadas de reflexión, actividades lúdicas, intervencións no espazo público e unha campaña de difusión e concienciación sobre a realidade LGTBI.

“Manterá o espírito porque foi un éxito e é un referente para o noso concello, xa que a xente xa ten interiorizada esta imaxe e estas cores. Queremos que Compostela Diversa teña unha presenza furte na rúa e nos establecementos e decoración de rúas e prazas e de comercios, bares, restaurantes e hoteis”, destacou a rexedora. Ademais, incidiu no feito de que a campaña de iluminación leve á Praza Roxa, “centro neurálxico de moita xente nova e un espazo de tránsito para moitas persoas”.

A campaña naceu en 2018 para facer de Santiago un referente da diversidade sexual e de xénero en Galicia e “contribuír así ao avance na consecución dos dereitos, a visibilidade e a normalización da vida de todo o colectivo LGTBI”. Colaboran co Concello, a Deputación da Coruña e o Mercado de Abastos, xunto ao colectivo Avante LGBT+.

PROGRAMACIÓN

Os actos centrais, segundo sinalou, concentraranse nos últimos 10 días. Así, o xoves 20 de xuño haberá unha charla sobre persoas solicitantes de asilo LGTBI, coa colaboración da ONG Movemento pola Paz.

O sábado 22 de xuño, a sección ‘Cinema’ acollerá a presentación e exhibición do filme ‘Testemuñas dun tempo maldito’, con coloquio posterior co director da película, Javier Larrauri, e con Daniela Ferrández, así como a proxección do curto de Anxos Fazáns ‘Habitar’.

O venres 28 levará a cabo a lectura do manifesto ás 11.00 horas na Praza do Obradoiro.

O festival do Orgullo, anunciou Sanmartín, será o sábado 29 na Praza de Mazarelos, onde levará a cabo “un progama lúdico, artístico e poético”, no que intervirán distintos escritores e artistas.

De forma complementaria, os establecementos participantes contarán con mandiles, carteis, postais, posavasos e manteis, dentro dunha campaña de difusión e visualización da diversidade.

Ademais, no Paseo dos Leóns da Alameda instalarase un arco de cores de grandes dimensións para que tanto os residentes en Santiago como os visitantes poidan facerse unha fotografía con “as cores da diversidade coa vista da cidade histórica e da Catedral”.

ÚLTIMAS

Sanmartín destaca o diálogo de Xunta e Goberno para o traslado de migrantes e reitera: “Santiago é acolledora”

A alcaldesa de Santiago, Goretti Sanmartín, celebrou o acordo entre a Xunta e o...

Como en anteriores ocasións, Feijóo estará o 25 de xullo na Ofrenda do Apóstolo

O líder do Partido Popular, Alberto Núñez Feijóo, participará o próximo 25 de xullo, Día de...

Nove citas musicais imperdibles no Outono Códax Festival

O Outono Códax Festival quenta motorores para a súa próxima edición, cun cartel que contará con...

O aluguer é o que máis tensiona o mercado da vivenda, segundo un estudo encargado polo Concello

O concelleiro de Urbanismo de Santiago, Iago Lestegás, informou este venres no pleno da...

O aluguer é o que máis tensiona o mercado da vivenda, segundo un estudo encargado polo Concello

O concelleiro de Urbanismo de Santiago, Iago Lestegás, informou este venres no pleno da...

O Concello de Santiago inspeccionará a concesionaria do bus urbano ante as incidencias na súa aplicación

O concelleiro de Mobilidade de Santiago, Xan Duro, avanzou que o Concello realizará este...

Abandono asistencial no CHUS: 235 días de espera para unha cirurxía maxilofacial

A Asociación de Pacientes e Usuarios do CHUS denunciou que V.M.A.P., paciente de cancro...