Ao redor de mil persoas participaron este sábado na oitava edición da carreira lúdica Holi Gaiás, celebrada nos exteriores da Cidade da Cultura de Galicia. A cita reuniu participantes de todas as idades nun evento deportivo e festivo xa consolidado no calendario de primavera da capital galega.
O conselleiro de Cultura, Lingua e Xuventude, José López Campos, foi o encargado de dar a saída á proba e participou posteriormente na entrega de premios. O responsable autonómico destacou a boa acollida da iniciativa e puxo en valor o seu carácter lúdico, familiar e non competitivo.
A carreira principal desenvolveuse sobre un percorrido de cinco quilómetros polos espazos exteriores do Gaiás. Ademais, os máis pequenos puideron gozar da Péquea Holi, unha proba adaptada para menores de 10 anos cun trazado de 700 metros, pensada para fomentar a práctica deportiva e o lecer en familia.
