HomeSOCIEDADEA USC mantense entre as 500 mellores universidades do mundo

A USC mantense entre as 500 mellores universidades do mundo

O Center for World University Rankings (CWUR) mantén á Universidade de Santiago de Compostela (USC) entre as 500 mellores universidades do mundo situándoa na posición 496 e no posto 12 de institucións españolas recollidas nesta clasificación.

Publicado o

Por Xornal de Compostela

Center for World University Rankings (CWUR) mantén á Universidade de Santiago de Compostela (USC) entre as 500 mellores universidades do mundo situándoa na posición 496 e no posto 12 de institucións españolas recollidas nesta clasificación. Ademais, a universidade da capital galega ocupa o chanzo 196 no apartado relativo a universidades europeas.

Tal e como trasladou a USC, o rendemento investigador e a empregabilidade son dous dos aspectos mellor valorados da entidade compostelá. Mentres, a Universidade da Coruña sitúase no posto 992 a nivel mundial e no 34 de España; e a de Vigo no 811 e no 27, respectivamente. A metodoloxía empregada polo CWUR parte dunha serie de indicadores estruturados en catro ámbitos. Por unha banda, a calidade da educación mídese a través do número de alumnado que obtivo distincións académicas en relación ao tamaño da institución. En concreto, este ítem conforma o 25 % da puntuación final no ranking.

O estudiantado que obtivo postos executivos de relevancia nas máis importantes compañías do mundo é o indicador que CWUR toma en consideración á hora de abordar o nivel de empregabilidade e que ten un peso do 25 % no cómputo global da clasificación. O persoal docente e investigador que recibise distincións académicas serve para medir a calidade dos centros cun peso do 10 % no conxunto da puntuación final.

Finalmente, no indicador relativo á investigación científica, CWUR analiza o número total de artigos publicados (10 %), o número de artigos publicados en revistas de primeiro nivel (10 %), o número de artigos publicados en revistas de gran influencia (10 %), así como o número de artigos máis citados (10 %). Os datos rexístranse a través da información achegada polas propias universidades, así como a través de enquisas.

ÚLTIMAS

Vítimas do accidente de Angrois volven concentrarse este mércores tras un ano á espera da sentenza

Vítimas do accidente do tren Alvia ocorrido na curva da Grandeira, no barrio compostelán...

Éxito rotundo das ‘Noites en Vela’ na Ponte Maceira con música e luz

A edición 2024 das 'Noites en Vela' celebrada na Ponte Maceira foi un éxito...

Santiago prepárase para o 25 de xullo coa Ofrenda ao Apóstolo e a Alba de Compostela como cerimonias principais

A capital galega prepárase para un 25 de xullo, Día Nacional de Galicia, que...

Científicos da USC lanzan un manifesto contra a “macrocelulosa” de Altri

Científicos dos departamentos de Botánica, Bioloxía e Zooloxía da Universidade de Santiago de Compostela...

Santiago prepárase para o 25 de xullo coa Ofrenda ao Apóstolo e a Alba de Compostela como cerimonias principais

A capital galega prepárase para un 25 de xullo, Día Nacional de Galicia, que...

Pedro Blanco entrega as medallas da Orde do Camiño de Santiago á Policía Nacional

O delegado do Goberno en Galicia, Pedro Blanco, asistiu este sábado á imposición da...

O aluguer é o que máis tensiona o mercado da vivenda, segundo un estudo encargado polo Concello

O concelleiro de Urbanismo de Santiago, Iago Lestegás, informou este venres no pleno da...