InicioSOCIEDADEO acusado de queimar varios coches nunha empresa de aluguer de Santiago...

O acusado de queimar varios coches nunha empresa de aluguer de Santiago enfróntase a 6 anos de prisión

Ademais, Fiscalía solicita 37.000 euros en concepto de indemnizacións polos turismos calcinados e por agresións a varios empregados.

Publicado o

Xornal de Compostela

O home acusado de queimar varios vehículos nunha tenda de aluguer de coches na rúa Noval, en Santiago de Compostela, no mes de abril de 2024 enfróntase o vindeiro xoves, 3 de abril, a seis anos de prisión e ao pago de indemnizacións que superan os 37.000 euros. Así se recolle no escrito de Fiscalía, no que tamén considera que o acusado deberá facer fronte a indemnizacións que ascenden a 37.000 euros polos turismos calcinados e polas lesións que sufriron os empregados do establecemento.

Tal e como explica o Ministerio Público, o acusado contratara o aluguer dun vehículo que debía devolver o 10 de abril. Con todo, non devolveu o coche e ao día seguinte descubriu unha recarga de 400 euros na súa conta bancaria. Debido a isto, sobre as 20.30 horas dirixiuse ás instalacións da empresa na que alugara o coche, na rúa Noval número 37 da capital galega. En canto entrou no local, golpeou na cara a un dos empregados, que o instou a tranquilizarse e díxolle que en caso contrario chamaría á Policía, ante o que o acusado respondeu: “Teño un coitelo, quen chame á policía mátoo”.

A continuación, o procesado agrediu aos outros traballadores propinándolles puñadas na cabeza e na cara e mesmo chegou a tombar a un deles no chan. Tras isto, tal e como expón Fiscalía, desprazouse a unha gasolineira próxima, onde pediu un bidón de gasolina de cinco litros, que non pagou, e dirixiuse de novo á tenda. Unha vez que se baixou da furgoneta, tras divisar a un dos traballadores, golpeoulle de maneira reiterada co bidón cheo de gasolina, dándolle nas costas e na cabeza. Posteriormente, procedeu a verter a gasolina por enriba do vehículo que alugara e prendeulle lume, que se foi expandindo por todo o coche e alcanzou a outros turismos estacionados ao redor, así como a un toldo. Ata o lugar tiveron que desprazarse efectivos da Policía e dos Bombeiros, que evacuaron a dúas persoas, unha delas menor, que vivía no piso inmediatamente superior.

PETICIÓN FISCALÍA

Por estes feitos, Fiscalía solicita para o acusado seis anos de cárcere polo delito de incendio e diferentes contías polos delitos de lesións, ameazas e estafa. Ademais, en concepto de responsabilidade civil, pide o abono de 517 euros a cada unha das persoas agredidas, 685 polos obxectos que había nun dos vehículos afectados, 1.400 polos gastos médicos, 25.000 euros polo turismo calcinado, case 4.000 euros polos danos a outros vehículos e 3.600 polos danos no toldo e no pavimento.

ÚLTIMAS

Constenla avala en redes comentarios que cualifican a alcaldesa de “cateta” ou “monicreque” tras a polémica da Medalla de Galicia

A polémica pola ausencia da alcaldesa de Santiago, Goretti Sanmartín, no acto de entrega...

Arde unha leira nas inmediacións da estación de tren de Santiago e escoítanse explosións sen causa clara

Un incendio rexistrado na tarde deste venres nas inmediacións da estación de tren de...

Xesús Domínguez supervisa as obras de Puente La Reina, que encaran o final da súa primeira fase

O concelleiro de Vías e Obras do Concello de Santiago, Xesús Domínguez, visitou este...

O pleno de Ames aproba por maioría o pago de facturas atrasadas e novas actuacións do POS+Adicional

A Corporación municipal de Ames celebrou o pleno ordinario de xullo con varios puntos...

Xesús Domínguez supervisa as obras de Puente La Reina, que encaran o final da súa primeira fase

O concelleiro de Vías e Obras do Concello de Santiago, Xesús Domínguez, visitou este...

Vandalizan un cartel de apoio ao colectivo LGBTIQ+ en Ames e escriben ‘sida’ por encima del

Un cartel cunha mensaxe en apoio ao colectivo LGBTIQ+, situado no inicio do termo...

O arranxo da pista do Aeroporto de Santiago foi adxudicado por máis de 26 millóns de euros

O Consello de Administración de Aena aprobou a adxudicación por 26.613.000 euros da obra...