O QS World University sitúa á Universidade de Santiago de Compostela (USC) como unha das mellores universidades do mundo nun total de 21 ámbitos temáticos do cinco áreas de coñecemento. Esta clasificación mundial, que publica este venres a edición de 2025, realizou para o seu estudo unha análise comparativa de máis de 18.300 programas de máis de 1.700 universidades de 100 países.
Segundo informou a USC nun comunicado, entre os miles de institucións universitarias analizadas, a Universidade de Santiago clasificouse entre as mellores en 21 materias, continuando a súa tendencia á alza xa que cada ano incrementa o número.
Este ano aparecen por primeiro vez Ciencia dos Materiais e Odontoloxía, esta segunda sitúase entre o rango de postos 51-120 das mellores universidades do mundo. A clasificación complétana as materias de Historia, Arqueoloxía, Lingüística, e Farmacia e Farmacoloxía, que se sitúan no intervalo 151-200.
Tamén en postos destacados (201- 300) atópanse Linguas Modernas, Comunicación e media, Enxeñaría Química, Lingua e Literatura Inglesa, Educación e Agricultura e Forestal. O ranking complétase con materias destacadas no ámbito mundial de Química, Dereito, Física e Astronomía, Matemáticas, Ciencias Ambientais, Medicina, Ciencias Biolóxicas, Economía e Econometría e Ciencias da Computación e Sistemas de Información.
