O Concello de Santiago notificou a incoación dun novo expediente á sala Malatesta por elevados niveis de ruído. Fontes municipais consultadas por Europa Press ratificaron a decisión, que avanza este sábado ‘El Correo Gallego’ nunha información na que concreta que os propietarios teñen un prazo de dez días para alegar.
As fontes municipais consultadas por Europa Press ratificaron que o Concello notificou a incoación dun expediente tras unha medición desfavorable. Esta medición responde ao control do Concello tras a reapertura da sala, que se produciu en novembro do ano pasado. Permanecera varios meses pechada por orde municipal tamén debido a un exceso de decibeis detectado noutra medición.
