O presidente do Parlamento de Galicia, Miguel Anxo Santalices Vieira, exercerá como delegado rexio na Ofrenda da Translación dos restos do Apóstolo Santiago, que se celebra o 30 de decembro de cada ano. Segundo informou o Parlamento de Galicia nun comunicado, así o designou o rei Felipe VI e a celebración terá lugar na Catedral de Santiago de Compostela. Santalices exerceu como delegado rexio na Ofrenda Nacional ao Apóstolo Santiago, que se celebra cada 25 de xullo, en 2016, 2018 e 2024, e presentou a Ofrenda da Translación de 2017, 2018, 2019 e 2023.
