A Dirección de Patrimonio da Generalitat de Cataluña busca en Santiago aos posibles herdeiros de Rosa García Guimó, unha muller que morreu sen descendencia, e sen deixar testamento, en 2016 en Barcelona. Segundo recolle o edicto publicado no taboleiro de anuncios do Concello de Santiago, a muller faleceu o 10 de novembro de 2016 sen deixar testamento e sen herdeiros coñecidos. O seu último domicilio foi en Barcelona.
Durante as actuacións preliminares para verificar se a Generalitat ten dereitos sucesorios sobre esta herdanza, ao Goberno catalán tivo coñecemento de que, a pesar de que Rosa García Guimó naceu en Barcelona en 1926, o seu avó paterno (José García Gallego) e as súas tías paternas (Josefina e María Luisa García Tenreiro), eran naturais de Santiago de Compostela. De acordo coa lexislación vixente en Cataluña en materia de sucesións, a Generalitat sucede en último lugar ás persones con veciñanza civil catalá a falta de familiares ata o cuarto grao de consanguinidade ou de adopción, e do cónxuxe viúvo ou do conviviente en parella estable.
Para descartar a posible existencia de familiares desta persoa ata o cuarto grao en Santiago, que puidesen ostentar dereitos de herdanza, procedeuse a abrir o prazo dun mes, a contar desde este martes, para que calquera posible familiar presente alegacións ou achegar información, documentos ou outros elementos de xuízo, ante a Dirección Xeral do Patrimonio da Generalitat de Cataluña, no teléfono 933 162 127 ou mediante correo electrónico a herencies.eco@gencat.cat.
