Unha muller resultou ferida este venres tras sufrir un atropelo nun paso de peóns á altura do número 10 da rúa Monte dos Postes, en Santiago de Compostela.

Segundo fontes do 112 Galicia consultadas por Europa Press, foi o propio condutor do vehículo quen deu aviso á central de emerxencias sobre as 09.30 horas, sinalando que o cegou o sol e non vira á muller.

Ademais, indicaba na súa comunicación que a ferida se atopaba accesible, pero necesitaba asistencia sanitaria. Así, ao ter coñecemento dos feitos, o 112 deu aviso ao Servizo de Urxencias Sanitarias de Galicia – 061, aos Bombeiros, á Policía Local e a Protección Civil.