O pleno do Concello de Santiago deu luz verde á aprobación provisional da modificación puntual da PXOM e do PE-1 que suprime o aproveitamento lucrativo previsto na parcela privada de 8.012 metros cadrados situada no perímetro da Finca do Espiño.
A Corporación aprobou este trámite cos votos a favor do BNG, Compostela Aberta e PSdeG e a abstención do PP, despois de que en novembro do pasado ano o pleno acordase por unanimidade a aprobación inicial.
Agora falta a aprobación definitiva para aplicar esta modificación que, segundo explicou o concelleiro de Urbanismo, Vivenda e Cidade Histórica, Iago Lestegás, supón “preservar a calidade paisaxística de O Espiño”.
A probación avanza no procedemento para levar a cabo a modificación puntual da PXOM e do PE-1, que ten como fin eliminar a edificabilidade e os usos privados na parcela, previstos no
