O Concello de Santiago comezará este 30 de setembro unha serie de traballos de limpeza nocturna para mellorar a rede de saneamento en diversos puntos do Ensanche, na cidade histórica e nos túneles das Cancelas e Romeu Donallo. Estas intervencións, que se realizarán entre as 23.00 e as 07.00 horas, obrigarán a realizar cortes de tráfico en varias rúas da cidade.
Segundo indicou o Concello, estas actuacións terán como obxectivo previr posibles afectacións pola acumulación de choivas torrenciais e mellorar a capacidade de evacuación da rede de saneamento municipal. Os traballos prolongaranse ata o 28 de outubro, cando está previsto que finalicen no túnel de Romero Donallo.
O primeiro punto de intervención será a rúa Doutor Teixeiro, e de luns a xoves, os traballos iranse trasladando a diferentes zonas, incluíndo rúas como Xeneral Pardiñas, Alfredo Brañas, San Pedro de Mezonzo, Montero Ríos, Santiago de Chile, entre outras.
O Concello tamén adiantou que a programación das limpezas nocturnas permitirá minimizar as molestias para o tráfico durante o día, aínda que se recomenda estar atentos aos cortes temporais.
