InicioSANTIAGOA xuíza amplía o prazo para recorrer a sentenza do accidente de...

A xuíza amplía o prazo para recorrer a sentenza do accidente de Angrois

As partes terán 30 días para interpor recursos de apelación tras a notificación final das aclaracións do fallo

Publicado o

Xornal de Compostela

A maxistrada do xulgado do penal número 2 de Santiago de Compostela, Elena Fernández Currás, decidiu ampliar o prazo para presentar recursos de apelación contra a sentenza do accidente do tren Alvia en Angrois, ocorrido o 24 de xullo de 2013. A traxedia, que causou 79 mortos e 143 feridos, culminou cun fallo que condena ao maquinista e ao ex director de seguridade de Adif por imprudencia grave.

Algunhas das partes personadas no proceso solicitaron esta ampliación de prazo, que agora se estende a 30 días para todas as partes e para o Ministerio Fiscal, tal como confirmou o Tribunal Superior de Xustiza de Galicia (TSXG).

Segundo explica o TSXG, este prazo contará desde que se realice a última notificación das resolucións sobre as solicitudes de aclaración, rectificación ou complemento da sentenza. A xuíza advertiu que se informará ás partes da data límite para presentar os recursos unha vez o xulgado teña constancia da última notificación.

A sentenza, que conta con máis de 500 folios, transcendeu a finais de xullo deste ano, coincidindo co 11º aniversario da traxedia. Inicialmente, o prazo para recorrer era de 10 días hábiles, que remataba o 10 de setembro, pero agora amplíase para garantir que todas as partes teñan tempo suficiente para interpoñer os recursos necesarios.

ÚLTIMAS

O PP acusa ao goberno do BNG de vetar por segundo ano a concentración de coches clásicos no Obradoiro

O Club Galego de Automóbiles Antigos volverá quedar fóra das celebracións do Apóstolo en...

O Arcebispo inaugura en Santiago a escultura ‘Homeless Jesus’, símbolo da compaixón cos excluídos

O xardín da Oficina de Acollida do Peregrino, en Santiago de Compostela, conta desde...

O PSdeG solicita no Pleno un plan para arranxar as beirarrúas deterioradas de Fontiñas

O Grupo Municipal Socialista levará ao Pleno do Concello de Santiago unha proposta para...

Sanmartín xustifica a demora na taxa turística, alegando que “hai que escoitar ao sector”

A alcaldesa de Santiago, Goretti Sanmartín, xustificou este luns que o prazo para a...

Cando o verde non chega: semáforos que tardan en cambiar e peóns que prefiren non agardar

Os tempos de espera nos semáforos de Santiago están a xerar un número crecente...

Falece José María Díaz Fernández, o que fora deán da Catedral de Santiago cando se produciu o roubo do Códice Calixtino

O que fora deán da Catedral de Santiago cando se produciu o roubo do...

A Xunta e a USC pactan reformular o Máster en Matemáticas e retomar a súa oferta en 2026-27

A Xunta informou "favorablemente" a proposta do novo Máster en Matemáticas da Universidade de...