O Concello de Santiago abriu o prazo de inscrición para dous obradoiros de acollida lingüística destinados a persoas doutras comunidades lingüísticas que queren iniciar ou continuar a súa formación en galego.
Cada obradoiro, cunha duración de 36 horas, desenvolverase en dúas sesións semanais. As persoas interesadas poden inscribirse de forma gratuíta a través do formulario dispoñible na web delingua.santiagodecompostela.gal. O prazo de inscrición permanecerá aberto ata o martes 10 de setembro.
Unha vez rematado o prazo, as persoas admitidas, un total de 25 por cada taller, recibirán unha confirmación a través do correo electrónico que indicaron na súa matrícula. As prazas serán asignadas por orde de inscrición, até completar as dispoñibles en cada curso.
O obxectivo destes talleres é facilitar a integración das persoas que se achegan por primeira vez ao galego ou que desexan mellorar a súa competencia na lingua.
