Un operario faleceu esta mañá en Santiago de Compostela tras sufrir unha caída desde uns 10 metros de altura nunha nave situada no Polígono do Tambre.

Os feitos ocorreron pouco antes das 9:00 horas, segundo informou o CIAE 112-Galicia, nunha nave industrial situada na estrada da Coruña, a N-550. Ao parecer, o traballador estaba sobre o tellado da nave cando unha parte cedeu e caeu.

Ata a zona desprazouse unha ambulancia medicalizada do 061, que, a pesar dos esforzos, non puido salvar a vida do traballador. Ademais, ata o lugar tamén se desprazou unha patrulla da Policía Nacional e informouse á Policía Local de Santiago.