A Xunta de Galicia destinará 43.000 euros para realizar obras de mellora no tellado da escola infantil pública autonómica de Vite. Así o anunciou a conselleira de Política Social, Fabiola García, que visitou este xoves a escola. Alí explicou que esta se trata dunha das moitas actuacións que se realizarán neste tipo de centros, aproveitando o verán para interferir o menos posible na súa actividade.

En total, o Goberno galego investirá tres millóns de euros na posta a piques de escolas infantís durante o período estival. A conselleira lembrou que o curso que vén será o terceiro en que a Xunta financiará integramente a etapa de 0 a 3 anos nestes centros.

Sinalou que o Goberno galego destina 60 millóns de euros á gratuidade das escolas infantís, tanto nas públicas — municipais ou autonómicas –, como nas privadas e as de entidades sociais. Unha medida, apuntou, que beneficia a máis de 32.000 familias cun aforro anual medio de máis de 3.000 euros.