O secretario xeral dos socialistas composteláns, Aitor Bouza, reuniuse coa responsable de Vivenda do PSOE e ministra do ramo, Isabel Rodríguez, para abordar a política de vivenda da capital galega.
No encontro, celebrado o luns e do que informou o PSOE compostelán este martes, ambos os socialistas abordaron o traballo realizado pola Agrupación Municipal en Santiago de Compostela en materia de vivenda desde a reunión celebrada no mes de febreiro na capital galega.
O secretario xeral do PSOE de Santiago comprometeuse a seguir loitando polos intereses reais dos veciños composteláns en materia de vivenda e seguir esixindo ao goberno municipal que realice de inmediato todos os trámites necesarios para a declaración da zona tensionada.
Conforme indicou, Rodríguez puxo en valor o esforzo feito polos socialistas da cidade para tentar que se alcanzase un pacto integrar pola vivenda na cidade que incluíse a medida socialista da declaración de zona tensionada para topar os prezos dos alugueres.
