HomeSANTIAGOAcuaes licita a acometida eléctrica para a nova estación depuradora da Silvouta...

Acuaes licita a acometida eléctrica para a nova estación depuradora da Silvouta en Santiago

O proxecto conta cun orzamento de 2,1 millóns de euros e un prazo de execución de 13 meses

Publicado o

Por Xornal de Compostela

A sociedade mercantil estatal Augas das Concas de España (Acuaes), dependente do Ministerio para a Transición Ecolóxica, licita as obras da acometida eléctrica da nova estación depuradora da Silvouta cun orzamento de 2,1 millóns de euros e un prazo de execución de 13 meses.

Acuaes está a executar a nova EDAR, xa en construción, cun investimento global de 60 millóns de euros. En relación a este proxecto, a liña eléctrica de media tensión será de 2,5 quilómetros e estará completamente soterrada.

Despois de finalizar os traballos de explanación xeral e a montaxe do campamento de obra, os traballos na nova depuradora céntranse agora na execución dos desvíos dos colectores da instalación actual que afectan á implantación.

No mes de xuño, comezarán a executarse os formigóns, iniciando polo pozo de grosos e bombeo de auga bruta no pretratamento e coa galería de servizo situada entre a decantación primaria e o reactor biolóxico.

As obras da EDAR e da acometida eléctrica serán cofinanciadas polo Ministerio para a Transición Ecolóxica e o Reto Demográfico a través dos fondos Next Generation da Unión Europea, cun convenio asinado co Concello de Santiago e a Xunta.

DEPURADORA DE AROUSA

Por outra banda, tal e como informou o pasado luns Acuaes, este martes licítase a nova depuradora da Illa de Arousa, cun importe de 8,4 millóns de euros.

Este martes enviouse ao Diario Oficial da Unión Europea (DOUE) para a súa publicación o anuncio da licitación do contrato de execución e posta en marcha da depuradora.

ÚLTIMAS

Sanmartín destaca o diálogo de Xunta e Goberno para o traslado de migrantes e reitera: “Santiago é acolledora”

A alcaldesa de Santiago, Goretti Sanmartín, celebrou o acordo entre a Xunta e o...

Como en anteriores ocasións, Feijóo estará o 25 de xullo na Ofrenda do Apóstolo

O líder do Partido Popular, Alberto Núñez Feijóo, participará o próximo 25 de xullo, Día de...

Nove citas musicais imperdibles no Outono Códax Festival

O Outono Códax Festival quenta motorores para a súa próxima edición, cun cartel que contará con...

O aluguer é o que máis tensiona o mercado da vivenda, segundo un estudo encargado polo Concello

O concelleiro de Urbanismo de Santiago, Iago Lestegás, informou este venres no pleno da...

Sanmartín destaca o diálogo de Xunta e Goberno para o traslado de migrantes e reitera: “Santiago é acolledora”

A alcaldesa de Santiago, Goretti Sanmartín, celebrou o acordo entre a Xunta e o...

A Xunta abre o prazo para que as prazas de abastos opten a axudas co selo Mercados Excelentes

O Diario Oficial de Galicia (DOG) anunciou este venres a publicación dunha nova orde...

Xan Duro di que a aplicación do bus urbano xa funciona, pero solicita informes por se “hai que tomar medidas”

O concelleiro de Mobilidade de Santiago, Xan Duro, afirmou que a aplicación do bus...