A Deputación da Coruña adxudicou por 753.820 euros as obras do primeiro tramo da Vía Verde en Santiago de Compostela, cun percorrido de 2,2 quilómetros que parte da antiga estación de ferrocarril da Sionlla. As obras comezarán en xuño, segundo informa o organismo provincial.
Trátase do primeiro tramo da Vía Verde en territorio de Compostela, que se completará nos próximos meses cunha segunda fase de oito quilómetros de lonxitude. En total, serán dez quilómetros, cun investimento de 1,8 millóns de euros.
Estes dous tramos de Compostela conectarán co resto da Vía Verde, en funcionamento desde 2022, que atravesa os municipios de Oroso, Ordes, Tordoia e Cerceda para completar unha ruta ciclable de 36 quilómetros sobre as antigas vías do ferrocarril.
Por outra banda, Laxe acolleu este martes a visita da deputada de plans provinciais e asistencia a municipios, Cristina García, que se reuniu co alcalde, Francisco Charlín Oróns, e parte da corporación municipal, para abordar os investimentos do Plan Único no municipio, máis de 530.000 euros.
