A Organización de Consumidores e Usuarios (OCU) realizou un estudo sobre as gasolineiras máis baratas en España en período vacacional. No caso de Galicia, na autoestrada AP-9, as estacións máis baratas son: o Alcampo de Ferrol, así como nas de Petroprix e Plenergy en Santiago de Compostela. O aforro é de ata un 16% en gasolina e ata un 14% en diésel fronte ás máis caras.
Outras vías que discorren por Galicia entre as analizada son a A-6 e a A-52. A estrada de Madrid a Galicia ten uns prezos medios bastante superiores á media. Nesta ruta, as estacións de servizo máis económicas son as de Petroprix en Benavente (Zamora) e Carbugal en Sabón (A Coruña). Hai outras gasolineiras interesantes, para xa nos extremos da ruta, neste caso para encher diésel: Fuel Xpres en Muxa de Arriba (Lugo), Plenergy na Coruña e o Alcampo de Vigo. Encher nestas gasolineiras supón un aforro de ata un 14% en gasolina e un 12% en diésel fronte ás máis caras.
Antes do inicio da A-8, a N-634 ofrece opcións interesantes nas estacións de Car Oil e Valcarce, na Coruña. En Lugo e Asturias apenas hai boas alternativas. E en Cantabria mellora un pouco. Pero os mellores prezos están xa case na fronteira con Francia. .
OCU aclara que un aforro do 16%, por exemplo, supón pagar ao redor de 12 euros menos para encher un depósito de 50 litros. E que os aforros a miúdo poden obterse tamén dentro de una mesma cidade.
Así, OCU convida os condutores a usar o seu comparador de gasolineiras para buscar as estacións de servizo máis baratas no seu destino vacacional e situar as máis baratas na ruta que se vaia a tomar.
