A Policía Local de Santiago detivo este domingo a un home que, segundo fontes municipais, supostamente agrediu a outro dándolle un golpe no peito cun obxecto —en principio, unha botella—.
O incidente ocorreu pasadas as 14:30 horas na rúa Fernando III o Santo. No marco do sucedido, outra persoa tivo que ser trasladada ao hospital por parte do persoal sanitario do 061, que se mobilizou ata o punto xunto a axentes policiais.
Neste contexto, o 112 Galicia recibiu ás 14:50 horas o aviso dun particular, que explicou que ocorrera un “altercado” nesta rúa do Ensanche compostelán. Con todo, non transcenderon as causas do mesmo.
