A Universidade de Santiago de Compostela (USC) oficializou o nomeamento de Juan Díaz Villoslada como novo xerente da institución académica, que exercerá como tal desde este mércores, segundo recolle a resolución publicada este martes no Diario Oficial de Galicia (DOG).
A designación, asinada pola reitora Rosa Crujeiras Casais, prodúcese tras o acordo previo do Consello Social da universidade nunha sesión celebrada o pasado 13 de abril. Dacordo coa normativa universitaria, o posto de xerente ten a consideración de alto cargo e o nomeamento de Díaz Villoslada terá efectos legais a partir deste mércores.
Villoslada, licenciado en Dereito pola USC e funcionario da Xunta e do Concello da Coruña, conta cun perfil especializado en recursos humanos, xestión orzamentaria e planificación. Foi deputado no Parlamento, formou parte da lista de Inés Rey (PSOE) na Coruña e actualmente é membro da directiva de Sumar Galicia.
