Decenas de pacientes, familiares e voluntarios da Asociación Española Contra o Cancro da provincia da Coruña completaron o Camiño de Santiago, chegando á Praza do Obradoiro para sensibilizar á sociedade sobre esta enfermidade.
A expedición, que percorreu as cinco últimas etapas do Camiño Inglés dende Ferrol ata Santiago, arribou ao seu destino final na mañá de hoxe.
Na súa recepción, atopáronse con diversas autoridades, entre elas o conselleiro de Sanidade, Antonio Gómez Caamaño, e a alcaldesa de Santiago, Goretti Sanmartín, quen recoñeceron o valor de tales accións e aplaudiron a dedicación da AECC na súa loita contra o cancro.
