O concelleiro do Partido Popular de Santiago, Adrián Villa, esixiu á alcaldesa, Goretti Sanmartín, que “recite, ensine e demostre” que medidas tomou co fin de parar as verteduras do río Sar e que explique que “responsabilidades vai asumir como alcaldesa”.

Tal e como trasladou o PPdeG local nunha nota de prensa, Vila compareceu este xoves para “pedir explicacións tras 12 días de silencio absoluto e dunha falta de información e transparencia sen precedentes” que “arrasaron co río Sar”, unha contorna que “forma parte da Rede Natura 2000”.

Segundo o edil popular, “todo isto ocorreu coa complicidade do Goberno nacionalista que, desde o minuto uno, mirou cara a outro lado, non deu explicacións nin tomou ningunha medida para evitar que isto seguise sucedendo”.

“Hai que ver como gritaron nos últimos meses para defender a ría de Arousa, que desemboca no río Ulla, que ía arrasar” e colapsar o ecosistema por culpa dunha industria en Pas de Reis e, en cambio, parece que nada pasa porque o río Sar, que desemboca na mesma ría, acabe contaminado con materia orgánica de residuos fecais”, sinalou.

Nesta liña, Villa subliñou que o de Altri formaba parte da “factoría de bulos do BNG”, pero o arrase do ecosistema do Sar é unha “triste e preocupante realidade”. A continuación, hase autopreguntado “onde está Greenpeace, Luís Zahera e todas as asociacións do parque temático do BNG”.

Vila lembrou que esperaron ata este luns para celebrar unha reunión na que, asegura, Augas de Galicia “tiroulle das orellas” ao Bloque por “non cumprir os protocolos de traballo e ter unha clara falta de coordinación” para as fases de funcionamento da depuradora.

Con todo, engadiu que “esperan explicacións pormenorizadas de Sanmartín sobre o cronograma do desastre ambiental no río Sar” e que “asuma a súa responsabilidade como alcaldesa de Santiago deste atentado ambiental sen precedentes”.