O que fora deán da Catedral de Santiago cando se produciu o roubo do Códice Calixtino, José María Díaz Fernández, faleceu este domingo. Así o confirmou a Diocese de Mondoñedo-Ferrol a través dun post no seu perfil da rede social X, onde adiantou que o funeral do relixioso celebrarase este luns na catedral de Mondoñedo ás 17.00 horas.
Cómpre lembrar que en outubro de 2011, José María Díaz renunciou ao cargo de cóengo arquiveiro, que ocupaba desde facía 36 anos, a raíz do roubo, en xullo dese mesmo ano, do Códice Calixtino do Arquivo da Catedral. Naquel momento, Díaz amosouse “consternado” e expresou o seu desexo de renunciar tamén ao cargo de deán, con todo, esta petición foi rexeitada polo que fóra arcebispo de Santiago.
