A illa de compostaxe do Centro Integrado de Formación Profesional de Compostela xa tratou cinco toneladas de biorresiduos ao longo de seis meses. Esta área de compostaxe comezou a funcionar de forma continuada en xaneiro de 2025. Consta de seis módulos de compostaxe de 1m3 e ten unha capacidade de tratar 24 toneladas de biorresiduos procedentes da cociña e comedor do centro, segundo trasladou o Concello nunha nota informativa.
Coa finalización do curso en xuño de 2025, alcanzouse compost maduro no tres primeiros módulos, mentres os outros tres van continuar o proceso de maduración ata comezos de setembro, cando dea comezo o novo curso. Nese momento retomarase a actividade común do centro e o tratamento ‘in situ’ dos residuos orgánicos xerados na súa actividade.
Nesta primeira fase, acometeuse a posta en marcha e a formación das persoas usuarias, que neste caso son o profesorado, alumnado e todo o persoal auxiliar do centro. Contou coa colaboración da Asociación para a Defensa Ecolóxica de Galiza (Adega), que se encargou da formación e seguimento xeral da área de compostela. Esta é unha das 12 illas de compostaxe que o Concello puxo en marcha no municipio, ás que se suman outro seis que teñen intención de implementar.
