O concelleiro do Partido Popular de Santiago José Ramón de la Fuente advertiu de que o “crecemento descontrolado” de árbores e arbustos na travesía da Fervenza, no barrio de Conxo, “ameaza con invadir as casas” de veciños.
Segundo referiu nun audio remitido aos medios, neste camiño “non se fan” labores de limpeza, poda e roza de maleza e vexetación, como os veciños xa informaron ao Concello. Isto suporía un “serio perigo” en caso de incendio, alertou o edil.
A advertencia veu acompaña de críticas ao Goberno local pola xestión da problemática: “A alcaldesa presume das liñas de comunicación de incidencia, pero logo non lles fan nin caso”, queixouse. O concelleiro reprochou que a zona está “completamente esquecida”.
