A explosión de dous botes de laca para o pelo provocaron un pequeno incendio nunha vivenda de Santiago de Compostela durante a madrugada deste domingo.
O 112 Galicia recibiu varias chamadas por este incidente pouco antes das 06.00 horas, nas que alertaban de “pequenas explosións” que, posteriormente, o Departamento de Bombeiros de Santiago achacou a dous botes de laca para o cabelo.
Segundo informa o 112 Galicia, ninguén resultou ferido e, ata o momento, descoñécense as circunstancias do incidente e se a acción foi intencionada.
Con todo, a situación derivou nun pequeno incendio na persiana dunha xanela do número 16 da rúa San Ignacio de Loyola, ata onde tamén se desprazaron axentes da Policía Local e Nacional.
