A cidade brasileira de Porto Alegre acolle este xuño o Mes do Camiño de Santiago cunha programación que vai desde unha mostra fotográfica da ruta xacobea ata ciclos de conferencias e cinema sobre un dos máis importantes itinerarios de peregrinación, considerado como vertebrador de Europa.
O director de Turismo de Galicia, Xosé Merelles, viaxará ao país suramericano esta semana para participar nos distintos actos conmemorativos organizados con motivo desta celebración.
Concretamente, visitará a mostra ‘Iacobus Gaudet. Os Camiños de Santiago en Galicia’ e manterá varios encontros de traballo con autoridades locais e nacionais para abrir novas colaboracións na promoción turística en Brasil.
Ademais, visitará o Centro Español de Porto Alegre que antigamente tamén foi casa de galegos e reunirase cos responsables da Asociación de Amigos do Camiño de Santiago de Río Grande do Sul (ACASARGS) para intensificar os lazos de colaboración a favor da promoción xacobea.O director de Turismo de Galicia tamén manterá encontros no Consulado Xeral de E spaña e no Instituto Cervantes de Porto Alegre.
