A construción da senda que unirá O Milladoiro –Ames (A Coruña)– e a estación intermodal de Santiago obrigará a relaizar cortes de tráfico durante o próximo mes no ramal que conecta a autovía Brión-Noia (AG-56) e a estrada de entrada á capital galega desde a nacional N-550.
Os cortes iniciaranse o vindeiro luns 24 de febreiro e durarán entre 20 días e un mes, segundo comunicou este venres a Xunta, que explica que serán interrupcións intermitentes que terán lugar “uno de cada tres días” e “fóra das horas puntas”.
Será no ramal que conecta AG-56 coa SC-20 en sentido Santiago, polo que os vehículos que veñan desde Brión e Bertamiráns estarán obrigados a dirixirse á rotonda de entrada en O Milladoiro para dar a volta.
Os cortes produciranse “unha vez que termine a punta de tráfico de entrada a Santiago á primeira hora e manterase ata que empece a punta de tráfico do retorno a última hora da tarde”, sinalou a Xunta.
