O Concello de Santiago manterá a subvención do billete de autobús, que pasará de 0,30 a 0,48 céntimos tras anularse as bonificacións estatais ao transporte coa derrogación este xoves do coñecido como decreto ómnibus.
Así, o Executivo local decidiu manter provisionalmente a bonificación municipal complementaria a esa axuda estatal, “ata que se clarifique de maneira definitiva a situación”.
Por tanto, explicaron desde o consistorio local, o Concello manterá a subvención do 20% sobre o prezo da viaxe nos bonos ordinario e escolar temporalmente, ata que o Goberno central comunique se traballa nalgunha fórmula que permita recuperar as bonificacións suspendidas.
Ante esta situación, o Goberno da capital galega lamentou a “actitude irresponsable do PP e dos seus socios de dereitas”, que, na súa opinión, “antepón as súas interese partidarios ao interese xeral da cidadanía”.
En definitiva, o prezo da viaxe no bono ordinario en Santiago quedará en 0,48 euros. Ata o momento, coa bonificación estatal, a tarifa era de 0,30 euros, mentres que o prezo antes das axudas estatais era de 0,60.
