O proxecto AIHABs, dirixido polo grupo de Hidrobiología da Universidade de Santiago de Compostela (USC), é un proxecto internacional que pretende crear un sistema de alerta capaz de predicir a aparición e a propagación de cianobacterias produtoras de toxinas en encoros a través da intelixencia artificial (IA).
Esta iniciativa é multidisciplinar, pois ademais da IA, incorpora os últimos avances en modelización matemática, nanosensores e teledetección. Para poder levala a cabo, tomáronse mostras de augas do río Miño, concretamente da presa de Belesar, en nove campañas entre 2022 e 2024 en colaboración coa Comandancia Naval do Miño.
Así mesmo, a German Research Centre for Geosciences, Remote Sensing and Geoinformatics (GFZ) realizou imaxes hiperespectrales das augas con varios satélites e un dron ese mesmo día para analizalas e poder determinar correlacións.
A Universidade Autónoma de Madrid (UAM) foi a encargada de realizar as análises xenéticas e tóxicos das mostras de auga tomadas nos que se mostraron unha gran concentración de cianobacterias de distintos tipos.
Doutra banda, o International Iberian Nanotechnology Laboratory (INL) de Portugal conta xa cun prototipo autónomo que será capaz de analizar as cianotoxinas da auga e enviar a información extraída aos satélites.
Finalmente, a University of South Bohemia (República Checa) está a desenvolver unha intelixencia artificial baseada en algoritmos que “integrará as concentracións de toxinas presentes no medio segundo as imaxes dos satélites para predicir o inicio da multiplicación explosiva das cianobacterias produtoras de toxinas e alertar dos perigos da presenza destas nas augas”.
